“Ötən mövsüm Azərbaycan çempionu olmuş “İnter”in “Birlik kuboku”ndakı uğurlu çıxışı hər birimizi sevindirir”. Apasport.az saytının məlumatına görə, bu sözləri AFFA-nın prezidenti Rövnəq Abdullayev deyib.

AFFA rəhbəri Rusiyanın Sankt-Peterburq şəhərində təşkil olunmuş “Birlik kuboku”nda Bakının “İnter” komandasını yarımfinalına yüksəlməsi münasibəti ilə təbrik edib: “Turnirdəki təmsilçimizin indiyə qədər keçirdiyi bütün qarşılaşmaları qələbə ilə başa vurması, 4 oyunda qapısından qol buraxmaması sevindirici haldır. “İnter”in yarımfinala yüksəlməsi münasibətilə klubun bütün kollektivini, Azərbaycan futbol ictimaiyyətini və azarkeşləri təbrik edir, “İnter”ə daha böyük uğurlar arzulayıram”.

Qeyd edək ki, “İnter” “Birlik kuboku”nun qrup mərhələsində Qırğızıstanın “Neftçi” (3:0), Taciktistanın “İstiqlal” (3:0), Moldovanın “İskra-Stal” (1:0), 1/4 final mərhələsində isə Ermənistanın «Mika» klubunu (4:0) məğlubiyyətə uğradıb.

Mənbə: affa.az

• “Fənər”in heyətində ciddi itki - 6 həftə oynamayacaq
• "Beşiktaş"ın hücumçusu Premyer Liqa klubunun radarında
• "Mançester Yunayted" "Trabzonspor"un forvardı ilə maraqlanır
• Dursun Özbek: "Bu cür problemlər bir daha yaşanmayacaq"
• "Real Madrid" illik 100 milyon avro dəyərində yeni müqavilə imzalaya bilər