Azərbaycan milli çempionatının iştirakçısı olmuş moldovalı futbolçu Anatoli Doroş karyerasını Qazaxıstanda davam etdirəcək. Bu haqda apasport.az Antalyaya ezam olunmuş əməkdaşına məlumat verən yığmanın hücumçusu Pavlodarın “İrtış” klubuna keçidinin həll olunduğunu bildirib. Doroş Qazaxıstan Superliqasında azərbaycanlı Ramiz Məmmədovun baş məşqçisi olduğu “Atırau” klubuna rəqib olacaq: “Məmmədovun təyinatından xəbərim var. Ona işində uğurlar arzulayıram. “İrtış”la müqaviləni razılaşdırmışıq və bu, 1 illik olacaq”.

“Neftçi” kimi Antalyada “Titanik” otelinin meydançasında yoxlama oyunu keçirən “İrtış” Rusiyanın I divizion təmsilçisi “Ximki” klubuna 1:0 hesabı ilə qalib gəlib.

Qeyd edək ki, Anatoli klublarımızdan “MKT-Araz”, “Standard”, “Karvan” və “Olimpik-Şüvəlan”da oynayıb.

Mehman SÜLEYMANOV

• Messi bu il də MLS Ulduzlar oyununu buraxacaq – Cəza tətbiq olunmayacaq
• "Real" Diomande ilə razılığa gəldi – PSJ mübarizədən çəkilmir
• "Fənərbaxça"dan transfer iddialarına cavab – Klub iki xəbəri təkzib etdi
• Mourinyonun "toxunulmaz" oyunçuları – Arda Gülər də siyahıda
• Fabianski karyerasını başa vurdu – Polşalı qapıçı futbolla vidalaşdı