“Turan” Antalyada ilk qələbəsini qazandı

26.01.2011 - 10:20

Antalyada təlim-məşq toplanışını davam etdirən Tovuzun “Turan” klubu üçüncü yoxlama görüşünü keçirib. Apasport.az saytının məlumatına görə, Naci Şensoyun yetirmələri Ukraynanın “Obolon” komandasını sınağa çəkiblər.

Oyunda hesabı rəqib açsa da, “Turan” sonda 2:1 hesablı qələbəyə sevinib. Tovuzluların heyətində Georgi Çediya və Georgi Beriaşvili fərqləniblər.

Qeyd edək ki, hazırlıq dövründə “Obolon”dan öncə Almaniyanın “MSV Pankov” klubuna uduzan (0:1) “Turan” “LFV Lübek”lə heç-heçə (2:2) etmişdi.