Azərbaycan çempionatının I divizionunun lideri olan “Abşeron” klubu Türkiyədə daha 5 yoxlama oyunu keçirəcək. Klubun mətbuat xidmətindən apasport.az saytına verilən məlumata görə, Antalyada hazırlığını davam etdirən paytaxt təmsilçisi yanvarın 28-də Gürcüstanın “VİT Corciya” və Cənubi Koreyanın “Yonsei” universitet komandası ilə yoldaşlıq görüşü keçirəcək. Digər 2 oyunun yanvarın 30-da Rumıniyanın “Viktoriya” və Sankt-Peterburqun “Zenit” komandası ilə baş tutacağı gözlənilir. Rumıniyanın “Vointa Sibiu” klubu ilə oyun fevralın 3-də olacaq.

Qeyd edək ki, ölkə kubokunda mübarizəni davam etdirən “Abşeron” Türkiyədə keçirdiyi yoxlama oyunlarında Almaniyanın “Vupertall” klubuna 4:2, Qazaxıstan “Akjayık”ına 1:0 hesabı ilə qalib gəlib.

• Premyer Liqadan La Liqaya - RƏSMİ
• “Qarabağ”ın rəqibi baş məşqçisi ilə yollarını ayırıb - RƏSMİ
• "Barselona"da ciddi itki
• "Çelsi" "Real"ın qapıçısını almaq istəyir
• "Kalyari" "Yuventus"un seriyasına son qoyub