Antalyada təlim-məşq toplantısını yekunlaşdırmaqda olan "Bakı" klubunun sayca beşinci yoldaşlıq oyunundakı rəqibi dəqiqləşib. Apasport.az saytının məlumatına görə, paytaxt təmsilçisi fevralın 3-də baş tutacaq qarşılaşmada Almaniya Oberliqa təmsilçisi "Ştutqart Kikkers"lə görüşəcək.

Oyun "Su səsi" otelinin meydanında Bakı vaxtı ilə saat 14.00-da başlanacaq. Bu, Aleksandr Starovun yetirmələrinin Türkiyədə son sınağı olacaq.

Qeyd edək ki, “Bakı” Antalyada 4 yoxlama oyunu keçirib. Qazaxıstanın "Akjayık" (3:0), "Şaxtyor" Karaqanda (1:1), Ukraynanın "Metallurq" Zaporojye (0:0) və Rumıniyanın "Panduri" (1:0) klubları ilə qarşılaşan "Bakı" 2 oyunda qalib gəlib, iki oyunu isə heç-heçə başa vurub.

• Premyer Liqa klubu müdafiəçisi ilə müqavilə yeniləyib
• "Başakşehir" hücumçusu ilə yollarını ayırıb
• "Fənərbaxça" Şkrinyarla danışıqları davam etdirir
• Fofana Premyer Liqa yolunda
• Arrizabalaqa "Çelsi" ilə belə vidalaşıb