“Xəzər Lənkəran” klubu qış “transfer pəncərəsi”ndə heyətinə qatdığı legionerlərlə münasibətlərini rəsmiləşdirib. Apasport.az saytının məlumatına görə, lənkəranlılar arxa xəttin gücləndirilməsi məqsədilə rumıniyalı müdafiəçi Kosmin Vali Frasineskunu klubun sıralarına cəlb etməyi qərara albı. Onunla imzalanan müqavilə 1 illikdir.
Bu ayın 10-unda 26 yaşı tamam olacaq Frasinesku müdafiənin mərkəzində və həmçinin sağında oynamağı bacarır. Komandanın Antalyadakı yoxlama görüşlərinin əksəriyyətində iştirak etmiş rumın futbolçunun son klubu yeri isə ölkəsinin “Qloriya” (Bistritsa) olub.

Antalyadakı son yoxlama görüşlərində iştirak etmiş və məşqçilər korpusunun etimadını qazanmış daha bir futbolçu – Aleksandru Viktorio Pitsurka da “Xəzər Lənkəran”la 1 illik müqavilə imzalayıb. Mərkəz hücumçusu olan 27 yaşlı Pitsurka Buxarest “Styausanın” yetirməsi olmaqla yanaşı müxtəlif digər rumın klublarında və həmçinin Bolqariyanın məşhur Sofiya MOİK-ində top qovub. Bu mövsümün ilk yarısında “Universitatya” nın (Krayova) heyətinə qoşulmuş Aleks meydana çıxdığı 23 oyunda 6 qol vurmağı bacarıb.

“Xəzər Lənkəran” rumıniyalı futbolçu Andrei İosif Mureşanla 1,5 illik müqavilə imzalayıb. 25 yaşlı və 190 sm boya malik olan Mureşan mərkəz yarımmüdafiəçisi mövqeyində çıxış edir. Karyerasına Rumıniya “Rapid”ində başlayan yeni transfer axırıncı klubu bu ölkənin “Qloriya” (Bistritsa) komandası olub. Bundan əlavə altı il “Universitatya”da (Kluj) çıxış etmiş Andrei həmçinin qısa müddət Rusiyanın “Krasnodar” klubunun da şərəfini qoruyub.

Mənbə6 lankaranfc.com

• Ernandesdən "Milan" qərarı
• Dalota İspaniyadan müştəri
• "Bavariya" Noyerə iki əvəzləyici tapıb
• “Arsenal”dan Çempionşipə
• “Torino”da yeni müqavilə