Azərbaycan millisi Macarıstanla yoldaşlıq görüşünə tam heyətlə hazırlaşır. Apasport.az saytının Dubaya ezam olunmuş əməkdaşının məlumatına görə, yığmamızın yanvarın 27-dən Birləşmiş Ərəb Əmirliklərindəki təlim-məşq toplanışına son qoşulanlar ölkədən kənarda çıxış futbolçularımız oldu.

Bunlar kapitan Rəşad Sadıqovla vitse-kapitan Mahir Şükürovdur. Rusiyanın “Anji” klubunda oynayan Şükürov hazırlıq keçdikləri Antalyadan Dubaya dünən gələrək, hazırlığa qatılıb. Ancaq Sadıqovun oynadığı Türkiyənin “Əskişəhərspor” klubunun dünən Superliqada “Qalatasaray”la səfər oyunu (2:4) olduğundan, millimizin lideri bu gün yığmanın düşərgəsinə gələ bilib. Bununla, millimiz fevralın 9-da rəqibi olan macarlarla oyuna bu gündən tam heyətlə hazırlaşmaq imkanına malik olub.

Mehman SÜLEYMANOV

• “Nottingem”in yeni baş məşqçisi bəlli olub - RƏSMİ
• “Bavariya” rəhbərliyi qərarını verdi: Kompani ilə yola davam
• Okan Buruk: "Sinqonun sağalması üçün ən azı iki həftə lazımdır"
• "Atletik"in baş məşqçisi: "9:0 hesabı ilə qalib gələcəyimiz haqda deyilənlər dəhşətdir"
• Xabi Alonso: “Arda, Mesut Özil və Quti Hernandezin qarışığıdır"