“Zədəm var. Qabırğamın altındakı əzələm dartılıb. Bu səbəbdən də oynaya bilmirəm”. Bu sözləri apasport.az saytına açıqlamasında AZAL klubunun müdafiəçisi Elvin Əliyev deyib.

Qış fasiləsindən sonra “Gəncə” ilə qarşılaşan AZAL I dövrədə olduğu kimi, əyalət təmsilçisinin yenə müqavimətini qıra bilmədi. 90 dəqiqə ərzində hər iki komandanın qol vurmaq üçün imkanları olsa da, oyun başladığı hesabla da yekunlaşdı. Nəticədə 2 xal itirən “təyyarəçilər” ilk “altılıq”dakı yerini hələ təmin edə bilməyib.

Bu oyunda komandasına kömək edə bilmədiyi üçün heyifslənən futbolçu heç nəyin bitmədiyini vurğulayıb: “Əlbəttə, komandama kömək edə bilmədiyimə görə, təəssüflənirəm. 2 həftəyə yaşıl meydanlara dönəcəm. Bu heç-heçə ilə hələ heç nə itirilməyib. Qarşıdakı 2 oyundan 1 xal qazansaq, bizim üçün kifayətdir. Lakin biz meydana bunun üçün deyil, qələbə qazanmaq üçün çıxacağıq”.

• 15 qurtarış! - Kurasao qapıçısı matçın oyunçusu seçildi
• 156 minlik ölkədən tarixi nəticə - Kurasao DÇ-da ilk xalını qazandı
• Tonali uğrunda mübarizə - "Tottenhem"dən 75 milyonluq təklif
• Kloppdan Türkiyə sözləri - “Təzyiqə dözə bilmədilər”
• Çalhanoğlunun həyat yoldaşından sərt reaksiya: "Dünən alqışlayırdınız..."