Mirça Rednik Bakıda məğlubedilməzdir

02.03.2011 - 12:09

Azərbaycan kubokunun 1/4 final mərhələsinin ilk oyununda “Neftçi” ilə qarşılaşacaq “Xəzər Lənkəran” klubunun baş məşqçisi Mirça Rednik üçün matçın baş tutacağı Bakı uğurlu şəhərdir. Apasport.az saytının məlumatına görə, karyerasında ümumilikdə 8-ci, rəqib qismində isə 7-ci dəfə paytaxta gələcək rumıniyalı mütəxəssis Bakıda məğlubedilməzdir. O, bu şəhərdəki yeganə ev oyununda da qalib gəlib.

Cari mövsüm Premyer Liqanın 7 görüşünü paytaxtda keçirən Rednikin yetirmələri bu qarşılaşmalarda cəmi 2 heç-heçə edib, qalanlarında isə qalib gəlib. Rumıniyalı “Xəzər Lənkəran”ın qarşısında yalnız “Neftçi” və “Bakı” tab gətirə bilib ki, onlar da 1 xalla kifayətlənib.

Mütəxəssis 3 dəfə “Şəfa”, 3 dəfə isə Tofiq Bəhramov adına Respublika stadionunu, 1 dəfə də Tofiq İsmayılov adına Suraxanı qəsəbə stadionunu zəfərlə tərk edib. Çünki “Neftçi” və “Bakı” ilə səfərdəki 1 xal itirilən 2 xal kimi yox, məhz qazanılan kimi qiymətləndirilir.

tur	tarix	oyun	hesab	Stadion
4	29.08.2010	AZAL – Xəzər Lənkəran	0:1	Şəfa
5	12.09.2010	Xəzər Lənkəran - MOİK	3:0	Suraxanı
11	30.10.2010	Qarabağ - Xəzər Lənkəran	0:1	Respublika
15	27.11.2010	Bakı - Xəzər Lənkəran	1:1	Respublika
18	18/12/2010	MOİK - Xəzər Lənkəran	0:2	Şəfa
20	13/02/2011	Neftçi - Xəzər Lənkəran	0:0	Respublika
22	27/02/2011	İnter - Xəzər Lənkəran	1:3	Şəfa