“Bakıda inşa olunacaq Olimpiya stadionunun layihəsi hazırdır. Amma tikinti ilə bağlı tender elan olunmadığı üçün qiymət barədə danışmaq hələ tezdir”. Apasport.az saytının xəbərinə görə, bunu Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev deyib.

Eyni zamanda AFFA-ya da rəhbərlik edən Abdullayev paytaxtda tikiləcək yeni arenanın qiymətinin 1 milyard dollar olacağı barədə yayılan xəbərlərin yanlış olduğunu söyləyib: “Mən bildiyimə görə, hazırda dünyanın ən bahalı stadionu Pekində yerləşir və bu arena 370 milyon dollara başa gəlib. Biz son zamanlar Türkiyədə inşa olunan stadionların qiymətləri ilə də maraqlanmışıq. Yəni, Bakıda tikiləcək stadionun 1 milyard dollara başa gələcəyi barədə yayılan xəbərlər düzgün deyil. Hələlik yeni stadionun hansı mənbədən maliyyələşəcəyi müzakirə olunur. Dövlət Neft Şirkəti olaraq, hazırda bizim belə bir stadion tikmək imkanımız yoxdur”.

• “Beşiktaş” Premyer Liqadan futbolçu transfer edir: MÜDAFİƏÇİ İSTANBULDADIR
• İspaniya Kuboku: “Atletiko”dan darmadağın
• İtaliya Kuboku: “Atalanta” yarımfinalda
• Türkiyə klubunun azarkeşi kubok oyunundan sonra vəfat edib
• Tedesko açıqladı: Mert və Musaba AL-in heyətində olmayacaq