AFFA-nın XVIII Konfransına qatılan Azərbaycan milli komandasının baş məşqçisi Berti Foqts jurnalistlər üçün brifinq keçirib. Almaniyalı mütəxəssis apasport.az saytının da əməkdaşının sualını cavablandırıb.

- Qarşıdakı planlarınızla bağlı nə deyə bilərsiniz?
- AFFA prezidenti Rövnəq Abdullayev və baş katib Elxan Məmmədov, bəzi klublarla görüşüb, söhbətlər aparacağam. Burada 1-2 oyuna baxacağam. Martın 19-da milli komanda ilə birgə Almaniyaya hazırlığa gedəcəyik. Orada Belçika yığması ilə rəsmi oyun öncəsi təlim-məşq toplanışı olacaq.

- AFFA-nın İcraiyyə Komitəsinin limitin dəyişilməsini tələb etməmisiniz?
- Artırılsın, yoxsa azaldılsın?

- Azaldılsın, yəni yerli futbolçular daha çox oynasın...
- Mən öz konsepsiyamı AFFA-ya təqdim etmişəm. Bu gün yox, əvvəl. Həmişə demişəm ki, azərbaycanlı gənc futbolçulara şans vermək lazımdır. Çünki Azərbaycan futbolunun gələcəyi onlardır. Konsepsiyam artıq bir neçə vaxtdır AFFA rəhbərliyində var.

- Belçika ilə oyuna yeni futbolçular çağırılacaq?
- Əgər siz hazırda millidə oynayanlardan güclü futbolçular tanıyırsınızsa...

- “Xəzər Lənkəran”dan Elnur Abdullayevi çağırmaq fikriniz var?
- Mən Elnuru təlim-məşq toplanışında görmüşəm və ondan razı qalmadım.

- “Neftçi” – “Xəzər Lənkəran” oyununa baxa bildiniz?
- Təəssüflər olsun ki, Almaniya televiziyası həmin oyunu göstərməyib. Mən görüş keçirilən zamanı təyyarədə idim, Bakıya gəlirdim. Mən “Neftçi” ilə “Xəzər Lənkəran”ın martın 8-də Lənkəranda cavab görüşünə görəcəyəm və Elnurla bağlı qərar verəcəyəm. Siz top Elnurda olanda onun necə oynadığına baxmayın. Top rəqib olanda onun meydanda necə apardığına fikir verin.

- Milli komandamızın Belçika ilə oyun öncəsi yoldaşlıq görüşü keçirməyi nəzərdə tutulub?
- Yox. Çünki vaxt yoxdur, ölkə çempionatı gedir.

Mehman SÜLEYMANOV

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu