AFFA-nın bu gündən yeni – affatv.az layihəsinin tətbiqinə başlanıb. Apasport.az saytının məlumatına görə, bu layihə sayəsində milli komandaların ölkə daxilində və xaricdə keçirilən oyunlarını, AFFA-nın təşkil etdiyi müxtəlif tədbirləri canlı izləmək mümkün olacaq.

Bundan əlavə, Azərbaycan futbolunun tarixini, 2012-ci ildə ölkəmizdə təşkil olunacaq 17 yaşadək qızlardan ibarət yığma komandalar arasında dünya çempionatına hazırlıq işlərini əks etdirən videomateriallar affatv.az-da yerləşdiriləcək.

affatv.az-ın təqdimatı İcraiyyə Komitəsinin (İK) bugünkü iclasında keçirilib. İK-nın üzvləri affatv.az vasitəsilə AFFA-nın XVIII növbəti Konfransında nümayəndələrin qeydiyyat prosesini canlı izləyiblər.

affatv.az-a daxil olmaq üçün affa.az saytında xüsusi link yerləşdirilib. affatv.az-da hər hansı tədbir yayımlanmazdan əvvəl affa.az saytında bu barədə məlumat veriləcək və qeyd edilən linklə affatv.az-a daxil olmaqla yayımlanan tədbiri izləmək mümkün olacaq.

• Tomas Tuxel daha iki İngiltərə millisində - RƏSMİ
• "Dortmund" kapitanına yeni müqavilə təklif edib
• "Barsa"nın müdafiəçisi "Liverpul"un radarında
• Messi "Barselona" ilə matçda ZƏDƏLƏNİB
• Hansı oyun, hansı kanalda? - TV AFİŞA