11-ci zəfər

04.03.2011 - 18:52

Azərbaycan kubokunun 1/4 final mərhələsinin “Neftçi” ilə ilk oyunu “Xəzər Lənkəran”ın hücum xəttinin zəfəri ilə əlamətdar olub. Apasport.az saytının məlumatına görə, cənub təmsilçisi səfər matçında məhsuldarlıq nümayiş etdirərək, 4 qol vurmağı bacarıb.

Bununla da tarixinin 250-ci yubiley oyununu 4 qolla qeyd edən cənublular indiyədək 10 dəfə səfərdə belə zəfərə nail olmuşdu. Yəni bu, 4 və ya daha çox qol vurmaqla bağlıdır.

Tarixində 11-ci dəfə səfərdə bu qədər qol vuran “Xəzər Lənkəran”ın son “qurbanı” MOİK olmuşdu. Bundan 3 ildən sonra “Neftçi” də evdə 4 qol buraxmaqla barışdı.

“Xəzər Lənkəran”ın 4 və daha çox qol vurduğu səfər oyunları

2004/05 mövsümü. 27.02.2005. Azərbaycan çempionatı. "Şəmkir" - 4:0
2004/05 mövsümü. 11.03.2005. Azərbaycan çempionatı. "Gənclərbirliyi" - 5:0
2005/06 mövsümü. 24.09.2005. Azərbaycan kuboku. "Şərur" - 5:0
2006/07 mövsümü. 26.11.2006. Azərbaycan çempionatı. "Şahdağ" - 5:1
2006/07 mövsümü. 07.05.2007. Azərbaycan çempionatı. "Qarabağ" - 4:1
2007/08 mövsümü. 02.09.2007. Azərbaycan çempionatı. ABN - 4:0
2007/08 mövsümü. 24.10.2007. Azərbaycan kuboku. "Gənclərbirliyi" - 4:1
2007/08 mövsümü. 27.04.2008. Azərbaycan çempionatı. "Turan" - 4:0
2008/09 mövsümü. 26.09.2008. Azərbaycan çempionatı. MOİK - 4:0
2010/11 mövsümü. 03.03.2011. Azərbaycan kuboku. "Neftçi" - 4:3

Mənbə: lankaranfc.com