“Saturn”un dağılmasından sonra Moskva “Spartak”ına keçən azərbaycanlı futbolçu Emin Mahmudov Rusiya millisində oynamağa namizəddir. Apasport.az saytının məlumatına görə, ölkəmizdə anadan olsa da, sonradan ailəsi ilə birgə Moskvaya köçən həmyerlimiz yaşadığı ölkənin millisinin yarımmüdafiə xəttini gücləndirilə biləcək oyunçular sırasına daxil edilib.

Ruslar öz vətəndaşları olan Emini əldən buraxmaq istəmirlər: “18 yaşı olan Mahmudov özünə diqqət cəlb edir. Özü də protokol amilini nəzərə almaq lazımdır ki, Moskva “Spartak”ının yeni futbolçusu olan Eminin Azərbaycan yığmasından da təklif aldığı məlumdur. Yığma üçün Jano Ananidze olduğu kimi, perspektivli futbolçunu itirmək istəməzdik”.

Qeyd edək ki, milli komandamızın almaniyalı baş məşqçisi Berti Foqts vaxtilə aşağı yaş qruplarından ibarət yığmamızda, indi isə Rusiyanın U-19-unda oynayan Mahmudovu çağırmaq fikrində olmadığını açıqlayıb.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu