“Qalatasaray” klubunun prezidenti Adnan Polat keçmiş baş məşqçi Fatih Terimlə görüşüb. Apasport.az saytının məlumatına görə, “İmperator” ləqəbli mütəxəssisin Sarıyerdəki evinə gedən Polat “Cim Bom”un ona ehtiyacının olduğunu bildirib. Klubun idman direktoru Adnan Sezginin ardından hazırkı rumıniyalı baş məşqçi Georgi Hacı ilə də yollarını ayırmaq fikrində olan “Qalatasaray”ın prezidenti Terimlə son 3 gündə 2 dəfə görüşüb və tərəflər prinsipail anlaşıb.

Polat Terimin istəmədiyi Sezginlə yolları ayırdıqdan sonra təcrübəli mütəxəssisdən şərtlərini soruşub. Terim ilk olaraq “Komandanın başında bir məşqçi olarkən, bu mövzunu danışmaq doğru olmaz. Evimə gəldiniz, qəhvəmi içdiniz və sadəcə, söhbət edək” bildirib. Polat israrla deyib ki, “Qalatasaray”ın təcili sənə ehtiyacı var, indi danışmalıyıq. Bundan sonra Terim ağır şərtlərini irəli sürüb və Polat bunların hamısını qəbul edəndən sonra qayıdış reallaşacaq. Həmin 5 şərt isə bunlardır:

1. Futbolun tək söz sahibi mən olacağam.
2. Çox yaxşı heyət üçün ən azı 50 milyon avroluq transfer büdcəsi istəyirəm.
3. İndiki zəif heyətdən 6 futbolçu qalır, qalanlarını göndərirəm.
4. 8 yeni legioner almağım şərtdir.
5. Məşq meydançasında, idman sahəsində bir rəhbər belə görmək istəmirəm.

Qeyd edək ki, Terim ən böyük uğuru – 2000-ci ildə UEFA kubokunu qazandırdığı “Qalatasaray”ın cari mövsümdə hollandiyalı Frank Raykaardı istefaya göndərəndən sonra baş məşqi postuna qayıtmaq təklifini qəbul etmədi.

• “Fənərbaxça”nın AL üçün iştirak ərizəsi bəlli olub
• Kordobanın məsləhəti ilə: “Beşiktaş” kolumbiyalı qapıçı gətirir
• Türkiyəyə gəlmədi, Madriddə parıldadı – Lukmandan debütdə qol - VİDEO
• “Konyaspor”un baş məşqçisi bəlli oldu
• “Azərlotereya”nın “Binqo” oyununda rekord cekpot qazanılıb