“Zenit” darmadağınla, ingilislər uğursuzluqla üzləşdi

11.03.2011 - 02:00

Qitənin ikinci klub turniri sayılan Avroliqada 1/8 final mərhələsi start götürüb. Apasport.az saytının xəbərinə görə, gecənin ən qollu matçı Almaniyada baş tutub.

Leverkuzendə “Vilyareal”ı qəbul edən “Bayer” hesabı açsa belə, bu üstünlüyünü sonacan qoruya bilməyib və 2:3 hesabı ilə uduzub. Öz meydanında Rusiya təmsilçisi “Zenit”lə qarşılaşan “Tvente” isə rəqibini darmadağın edib.

Rusiyanın digər təmsilçilərindən “Spartak” səfərdə “Ayaks”ı üstələyib, MOİK isə Moskvada “Porto”ya uduzub.

“Liverpul” isə “Braqa” ilə matçda favorit sayılsa da, meydanı minimal hesablı məğlubiyyətlə tərk edib. İngilislərin digər komandası da qol üzünə həsrət qalıb. Kiyevdə “Dinamo”nun qonağı olan “Mançester Siti” qapısından iki cavabsız top buraxıb.

10 mart

“Tvente” (Hollandiya) – “Zenit” (Rusiya) - 3:0
De Yonq, 25; 90; Landzat, 56

“Ayaks” (Hollandiya) – “Spartak” (Rusiya) - 0:1
Aleks, 57

“Dinamo” (Ukrayna) – “Mançester Siti” (İngiltərə) - 2:0
Andrey Şevçenko, 25; Qusev, 77

“Benfika” (Portuqaliya) – PSJ (Fransa) - 2:1
Maksi Pereyra, 42; Xara, 82 - Luyindula, 14

“Braqa” (Portuqaliya) – “Liverpul” (İngiltərə) - 1:0
Alan, 18 (p)

PSV (Hollandiya) – “Reyncers” (Şotlandiya) - 0:0

“Bayer” (Almaniya) – “Vilyarreal” (İspaniya) - 2:3
Kadles, 33; Kastro, 72 - Rossi, 42; Nilmar, 70; 90

MOİK (Rusiya) – “Porto” (Portuqaliya) - 0:1
Quarin, 70