Bu gün Azərbaycan milli komandasının baş məşqçisi Berti Foqts Bakı Slavyan Universitetində olub. Apasport.az saytının məlumatına görə, ali təhsil ocağında “Elmi əsərlər” məcmuəsinin Almaniyanın Osvald Fon Volkenştayn Cəmiyyəti ilə birgə hazırlanmış xüsusi buraxılışının təqdimat mərasimi keçirilib. Almaniyalı mütəxəssis “Kitabi Dədə Qorqud” dastanının görkəmli alman şərqşünası Haynrix Fridrix fon Dits tərəfindən ilk nəşrinin 195 illiyinə həsr olunmuş tədbirdə iştirak edib.

Mərasimdə Universitetin rektoru, professor Kamal Abdulla və Osvald Fon Volkenştayn Cəmiyyətinin sədri, professor Siqlende Hartmann çıxış edərək tədbirin əhəmiyyəti barədə fikirlərini bildirib, iştirakçılara geniş məlumat veriblər. Natiqlər tədqiqatın mühüm əhəmiyyət kəsb etdiyini, araşdırmaların davam etdirilməsinin vacibliyini bildiriblər.

Foqts isə çıxışında Azərbaycan və Almaniya arasında bir çox sahələrdə, o cümlədən futbol sahəsində qarşılıqlı əməkdaşlığın mövcud olduğunu deyərək, bunu müsbət hal kimi qiymətləndirib. O, təqdimat mərasimi başa çatdıqdan sonra Berti Foqts universitetin Alman Tədris-Mədəniyyət Mərkəzində tələbələrlə görüşüb.

Mənbə: affa.az

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu