Bu gün Azərbaycan Premyer Liqasında final mərhələsinin ilk turuna yekun vurulub. Apasport.az saytının məlumatına görə, hər “altılığ”da 2 matç baş tutub. Futbol ictimaiyyətinin əsas diqqəti ilk “altılıq” oyunlarına yönəldiyindən “Turan” – “Gəncə” və MOİK – “Qəbələ” qarşılaşmaları o qədər də böyük maraq kəsb etmirdi. Qərb derbisində meydan sahibləri qələbə qazanıbsa, “Bakı”nın bazasına sığınan “hərbçilər” təqibindən 1 xal almağı bacarıblar.

Çempionluğa ən real namizədlər “Neftçi” ilə “Xəzər Lənkəran” isə fərqli nəticələrə imza atıblar. Hər 2 matçda 1 qol vurulsa da əvvəl meydan sahibləri, sonra qonaqlar qalib gəliblər. Bakılılar paytaxt derbisində gözlənildiyi kimi “Bakı”nı məğlub ediblər. “Ağ-qaralar” yenə Flavinyonun qolu ilə seviniblər.

Lənkəran təmsilçisi isə gözlənilmədən AZAL-a məğlub olub. Bununla da liderlə izləyicisi arasında xal fərqi 4-ə çatıb. “Xəzər Lənkəran”ın büdrəməsi “Neftçi” il yanaşı “Qarabağ”ı da sevindirib. Bel ki, onların 2-ci yerlə xal fərqi 2-yə çatıb. Liderlərin növbəti tur üz-üzə gəlməsi isə ağdamlıların mövqeyini daha da yaxşılaşdıra bilməsindən xəbər verir.

12 mart

"Simurq" - "Muğan" - 1:3
QOLLAR: Mario Souza, 57 (p.) - Cavad Mirzəyev, 44; Hüseyn Axundov, 55; Georgi Qulordava, 90+2
Hakimlər: Ceyhun Haşımov, Rahil Ramazanov, Samir Hacıyev, Rasim Məmmədov
Zaqatala. Olimpiya İdman Kompleksinin stadionu
İlk mərhələdəki oyunlar – 0:1, 0:1

"İnter" - "Qarabağ" - 0:2
QOLLAR: Rauf Əliyev, 55; Georgi Adamiya, 72
Hakimlər: Fariz Yusifov, Munis Abdullayev, Azər Əsgərov, Elnur Muradov
Bakı. "Şəfa" stadionu
İlk mərhələdəki oyunlar - 1:0, 0:1

13 mart

"Turan" - "Gəncə" - 1:0
QOL: Yasin Abbasov, 27
QIRMIZI VƏRƏQƏ: Patris Nuleu, 39
Hakimlər: Anar Salmanov, Aydın Ələkbərov, Zeynal Zeynalov, Hacıəli Ağayev
Tovuz. Şəhər stadionu
İlk mərhələdəki oyunlar – 1:1, 2:1

MOİK - "Qəbələ" - 1:1
QOLLAR: Emin Cəfərquliyev, 55 - Deon Barton, 50
QIRMIZI VƏRƏQƏ: Ramin Tanrıverdiyev, 61
Hakimlər: Əliyar Ağayev, Ramiz Əsədov, Coşqun Həsənov, Feyzulla Feyzullayev
Bakı. “Bakı” klubunun təlim-məşq bazasının stadionu
İlk mərhələdəki oyunlar – 0:0, 0:3

AZAL - "Xəzər Lənkəran" - 1:0
QOL: Enyo Krastovçev, 76
Hakimlər: Rövşən Əhmədov, Habil Əliyev, Yaşar Abbasov, Elvin Əsgərov
Bakı. "Şəfa" stadionu
İlk mərhələdəki oyunlar – 0:1, 1:2

"Bakı" - "Neftçi" - 0:1
QOL: Flavio Aleks Valensio, 8
Hakimlər: Əfqan Həmzəyev, Roman Vasilyev, Eldar Nağıbəyov, Rəhim Həsənov
Tofiq Bəhramov adına Respublika stadionu
İlk dövrədəki oyunlar – 0:2, 2:0

Turnir cədvəli

1	Neftçi	23	15	6	2	41-9	51
2	Xəzər L	23	14	5	4	28-13	47
3	Qarabağ	23	14	3	6	32-14	45
4	İnter	23	12	4	7	24-18	40
5	AZAL	23	10	9	4	28-16	39
6	Bakı	23	9	6	8	28-22	33
7	Qəbələ	23	8	8	7	20-15	32
8	Muğan	23	8	6	9	17-24	30
9	Gəncə	23	5	9	9	23-28	24
10	Turan	23	4	6	13	18-35	18
11	Simurq	23	2	6	15	13-37	12
12	MOİK	23	1	4	18	7-48	7

Bombardir: Bahodir Nasimov ( Neftçi ) – 15

• “Beşiktaş”dan növbəti transfer - RƏSMİ
• “Real”ın sabiq üzvü MLS klubunda - RƏSMİ
• “Qalatasaray”ın futbolçusu Super Liqada klubunu dəyişib
• Panamalı müdafiəçi “Beşiktaş”da - RƏSMİ
• “Real”ın futbolçusu zədələnib