Avro-2012-nin seçmə mərhələsində Azərbaycan milli komandası ilə eyni qrupda yer alan Avstriya yığmasının heyəti açıqlanıb. Apasport.az saytının məlumatına görə, Didi Konstantini martın 25-də Belçika, 4 gün sonra isə Türkiyə ilə keçirəcəkləri oyunlarda şans verəcəyi futbolçuları müəyyənləşdirib.

Təcrübəli mütəxəssis 23 nəfərə dəvət göndərib ki, onlardan da, 14-ü Almaniya, Yunanıstan, İsveçrə, Hollandiya, Türkiyə və İngiltərə klublarında forma geyinirlər.

Qeyd edək ki, Avstriya Belçika ilə evdə, Türkiyə ilə səfərdə qarşılaşacaq.

Qapıçılar: Paskal Qrünvald (“Vakker”, Avstriya), Yurqen Maço (“Panionios”, Yunanıstan), Helge Payer (“Rapid”, Avstriya).

Müdafiəçilər: Əkrəm Dağ (“Beşiktaş”, Türkiyə), Aleksandar Draqoviç (“Bazel”, İsveçrə), Kristian Fuxs (“Maynz”, Almaniya), Florian Kleyn (“Austriya”, Avstriya), Emanuel Poqatetç (“Hannover”, Almaniya), Frants Şiemer (“Zalsburq”, Avstriya), Sebastyan Prödl (“Verder”, Almaniya).

Yarımmüdafiəçilər: David Alaba (“Hoffenhaym”, Almaniya), Marko Arnautoviç (“Verder”, Almaniya), Yulian Baumqartlinqer, Zlatko Yunuzoviç (hər ikisi “Austriya”, Avstriya), Yasin Pehlivan (“Rapid”, Avstriya), Martin Harnik (“Ştutqart”, Almaniya), Ümit Korkmaz (“Bohum”, Almaniya), Pol Şarner (“Vest Bromviç”, İngiltərə).

Hücumçular: Ervin Hoffer (“Kayserslautern”, Almaniya), Mark Yanko (“Tvente”, Hollandiya), Stefan Mayerhofer (“Duysburq”, Almaniya), Roman Valner (“Zalsburq”, Avstriya), Roland Linz (“Austriya”, Avstriya).

• Alvarez üçün 100 milyon avro
• Özbəkistanlı futbolçu İngiltərədə ən yaxşı seçildi
• Günün canlı yayımlanacaq matçları - TV AFİŞA
• “Beşiktaş”dan növbəti transfer - RƏSMİ
• “Real”ın sabiq üzvü MLS klubunda - RƏSMİ