“Beşiktaş” klubu istefa verən almaniyalı baş məşqçisi Bernd Şusterə əvəzləyici tapıb. Apasport.az saytının Türkiyə mətbuatına istinadən məlumatına görə, “qara qartallar” baş məşqçi postunu cari mövsümün sonuna kimi Tayfur Havutçuya həvalə ediblər.

1997-2006-cı illərdə “Beşiktaş”da oynamış və komandanın kapitanı olmuş Tayfur Şusterin köməkçisi vəzifəsində çalışırdı.

Klub rəhbərliyi mövsümün gərgin vaxtında məşqçi axtarmağı münasib dönəm saymaraq, Havutçuya tam güvənir. Onların fikrincə, hələ Mustafa Dənizlinin köməkçisi kimi “Beşiktaş”ı çempion edən Tayfur ağır yükü daşıya biləcək çalışdırıcıdır.

Qeyd edək ki, gənc mütəxəssis köməkçilərini özü seçəcək.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu