“Görünür, bu, bəzi futbolçulara çatmır”

18.03.2011 - 20:13

“Biz oyunda daha yaxşı başlamışdıq. Amma öz qapımıza qol vurduq. İkinci hissədə rəqib müdafiədə oturdu. Biz də müdafiəni yarıb, qol vura bilmədik”. Bu sözləri apasport.az saytına açıqlamasında “Gəncə” klubunun yarımmüdafiəçisi Ramal Hüseynov deyib.

Ardıcıl 7 oyundur qələbə qazana bilməyən əyalət təmsilçisi bu gün “Simurq”la matçdan məğlub ayrıldı: “8 oyundur qələbə qazana bilmirik. Bunun ikinci “altılıq”la əlaqəsi yoxdur. Meydana çıxırsansa, qələbə üçün oynamalısan. Görünür, bu, bəzi futbolçulara çatmır”.

Qeyd edək ki, “Gəncə” “Simurq”a 0:1 hesabı ilə uduzub.