“Futbol elə oyundur ki, komanda daim uduzursa, baş məşqçi istefası qaçılmazdır”. Bu sözləri apasport.az saytına açıqlamasında “Gəncə” klubunun yeni baş məşqçisi Mehman Allahverdiyev deyib.

Gəncənin eyni adlı komandası bu gün Premyer Liqanın XXIV turunda öz meydanında “Simurq”a uduzub. Bu qarşılaşmadan sonra Fuad İsmayılov komandanın baş məşqçisi postundan istefaya göndərilib. Onu isə uzun müddət “Kəpəz”i çalışdırımış Mehman Allahverdiyev əvəzləyib.

Allahverdiyev bildirib ki, onun rəhbərliyi altında komanda daha iddialı olacaq: “Bilirsiz, komanda uduzursa, baş məşqçi cavabdehdir. “Gəncə” artıq neçə oyun idi qələbə qazana bilmirdi. Bu azmış kimi, uzun müddətdir qol da vurmur. “Turan”la oyuna baxanda utanırdım ki, bu nə oyundur. Mənim bir amalım var, komanda həmişə iddialı olub, çempionluq uğrunda mübarizə aparacağıq”.

Allahverdiyev, həmçinin bildirib ki, yaxın günlərdə köməkçilərini müəyyənləşdirəcək.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu