“İlk 10 dəqiqə istisna olmaqla, birinci hissədə çox zəif oynadıq. Fiziki hazırlığı yaxşı səviyyədə olan rəqibə qarşı təhlükə yarada bilmədik. Heç nədən top itirirdik”. Apasport.az saytının məlumatına görə, bu sözləri 21 yaşadək futbolçulardan ibarət Azərbaycan milli komandasının baş məşqçisi Bernard Lippert deyib.

Almaniyalı mütəxəssis Qvineya yığması ilə yoldaşlıq oyunu haqda fikirlərini açıqlayıb: “İkinci hissəyə heyətdə dəyişikliklərlə başladıq. Oyunçular onlara verilən taktiki göstərişləri ikinci hissədə daha yaxşı yerinə yetirdilər, biz daha çox topa sahib olduq və rəqibin qapısı qarşısında daha tez-tez görünməyə başladıq. Penalti epizodlarında bəxtimizin gətirdiyini deməliyəm. Lakin ümumi götürsək, qələbəyə layiq olduğumuzu düşünürəm”.

Qeyd edək ki, millimiz afrikalıları 1:0 hesabı ilə məğlub edib.

Mənbə: affa.az

• “Yuventus”da Kenan Yıldız qərarı - YENİ MÜQAVİLƏ İMZALANDI
• Gyökereş ən yaxşı seçildi
• Yıldızın taleyi bəlli oldu: Qərarını verdi
• Alvarez üçün 100 milyon avro
• Özbəkistanlı futbolçu İngiltərədə ən yaxşı seçildi