Azərbaycan milli komandasının mübarizə apardığı Avro-2012-nin seçmə mərhələsinin A qrupunda 2 oyun bu gün və sabah baş tutacaq. Apasport.az saytının məlumatına görə, növbəti oyununu martın 29-da keçirəcək yığmamızın məşqçiləri rəqiblərinin iştirakı ilə baş tutacaq hər 2 görüşü izləyəcək.

Belə ki, hazırda yetirmələrinə Almaniyada hazırlıq keçən Berti Foqtsun köməkçiləri Vəli Qasımovla Olaf Yansen komandadan ayrılıblar. Onlar bu gün Avstriyada meydan sahibləri ilə Belçika arasında keçiriləcək oyunu izləyəcəklər. Həm martın 29-dakı rəqib Belçikanın hazırkı durumuna şahid olacaq mütəxəssislər, həm də avstriyalılara nəzər salacaq. Hər halda bu komanda ilə də 1 oyunumuz qalıb.

Matçın ardından Almaniyaya dönəcək məşqçilərimiz yığmanın düşərgəsinə deyil Almaniya – Qazaxıstan matçına yollanacaq. Rəqiblərimizin iştirakı ilə keçiriləcək sabahkı matçı da izləyəcək Qasımovla Yansen bundan sonra baş məşqçi Berti Foqtsun sərəncamında olacaqlar.

• “Yuventus”da Kenan Yıldız qərarı - YENİ MÜQAVİLƏ İMZALANDI
• Gyökereş ən yaxşı seçildi
• Yıldızın taleyi bəlli oldu: Qərarını verdi
• Alvarez üçün 100 milyon avro
• Özbəkistanlı futbolçu İngiltərədə ən yaxşı seçildi