Avro-2012-nin seçmə mərhələsi çərçivəsində keçiriləcək Belçika – Azərbaycan oyununda millimizi dəstəkləmək istəyən azarkeşlər üçün Belçika Futbol Federasiyası tərəfindən Brüsseldəki Rua Boduen stadionunun 2-ci tribunasının A sektoru ayrılıb. Apasport.az saytının məlumatına görə, AFFA rəhbərliyi də qarşılaşmada millimizi kompakt şəkildə dəstəkləmək üçün stadiona gələcək azarkeşlərə müraciət edib. Onlardan biletləri məhz həmin sektora alması xahiş olunur.

Qeyd edək ki, martın 29-da Bakı vaxtı ilə saat 23:45-də başlayacaq görüşdə millimizi dəstəkləmək istəyən xaricdə yaşayan həmvətənlərimizə şərait yaratmaq məqsədilə AFFA öz vəsaiti hesabına 100 bilet alaraq Azərbaycan Respublikasının Belçikadakı səfirliyinə verib və səfirliyin nümayəndələri biletləri müvafiq qaydada azarkeşlərə paylayır.

ənbə: affa.az

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu