Belçika yığmasının zəif yeri açıqlandı

25.03.2011 - 17:44

Belçika millisinin futbolçusu Vinsent Kompani yığmasının güclü və zəif tərəflərini açıqlayıb. Apasport.az saytının məlumatına görə, İngiltərənin “Mançester Siti” klubunun şərəfini qoruyan 25 yaşlı müdafiəçi Avro-2012-nijn seçmə mərhələsinin qarşıdakı 2 oyunu haqda fikirlərini bildirib.

Kompani Avstriya ilə ev oyunundakı xal itkisinin (4:4) də zəif cəhətlərindən qaynaqlandığını düşünür: “Biz müdafiə futbolu oynamağı bacarmırıq. Daim irəli can atırıq. Bu, bizdən asılı deyil, genlərimizdədir. Azarkeşlərimiz də bunu dərk edir. Axı bizim gücümüz də, zəifliyimiz də müdafiə oluna bilməməyimizdədir”.

Qeyd edək ki, Kompani və komandası bu gün səfərdə Avstriya, martın 29-da evdə Azərbaycan yığması ilə görüşəcək.”