Azərbaycan milli komandasının sabiq futbolçusu İlham Yadullayev məşqçiliyə başlayıb. Apasport.az saytının məlumatına görə, 36 yaşlı müdafiəçinin rəhbərliyi altında Bakının Xətai rayonunda elit-məşq üzrə ikinci məntəqədə məşqlər keçirilir. Bu, “Sərin” otelinin meydançasında keçirilən hazırlıqdan ibarətdir. AFFA ölkəmizdə futbolun kütləviliyinin təmin olunması və istedadlı uşaqların üzə çıxarılması üçün lazımi şəraitin yaradılması məqsədilə elit-məşq layihəsinin tətbiqini davam etdirir.
Maraqlıdır ki, İlham futbolçu karyerasını rəsmən bitirməyib. Hər halda, o, indi də I divizion təmsilçisi “Bakılı” klubunun heyətində oynayır. Yadullayev ötən tur aprelin 3-də “MKT-Araz”la evdə 0:2 hesabı ilə uduzduqları oyunda 90 dəqiqə meydanda olub.

Mənbə: affa.az

• Van Qal “Ayaks”dan ayrıldı: Klub rəsmən açıqladı
• “Qalatasaray”ın türkiyəli futbolçusu Şimali Makedoniya millisini seçdi
• "Siti"dən 135 milyon avroluq transfer - RƏSMİ
• “Aston Villa”dan transfer planı: La Liqa klubunun futbolçusunu istəyir
• “Fənərbaxça”da ayrılıq ehtimalı: Bundesliqa klubları hücumçunu istəyir