Berti Foqts tələbələrlə görüşə gedir

13.04.2011 - 17:14

Azərbaycan milli komandasının baş məşqçisi Berti Foqts aprelin 15-də Bakı Slavyan Universitetinə baş çəkəcək. Apasport.az saytının məlumatına görə, almaniyalı mütəxəssis saat 11:00-da həmin ali təhsil ocağının tələbələri ilə görüş keçirəcək.

Bu, Foqtsun son bir ayda Slavyan Universitetinə 2-ci səfəri olacaq. O, martın 11-də “Kitabi Dədə Qorqud” dastanının görkəmli alman şərqşünası Haynrix Fridrix fon Dits tərəfindən ilk nəşrinin 195 illiyinə həsr olunmuş tədbirdə iştirak etmişdi.