Ölkə çempionatında 1000 oyun keçirən futbolçu kimdir?

17.04.2011 - 13:13

İngiltərənin “Bernli” klubunda çıxış edən Qrem Aleksander ölkə çempionatlarında 1000-ci oyununu keçirib. Apasport.az saytının məlumatına görə, yubileyini “Suonsi” ilə qarşılaşmada rəsmiləşdirən 39 yaşlı müdafiəçi bu fantastik göstəriciyə 23 ilə nail olub.

Müxtəlif liqalarda 1000 oyun keçirən Qrem 1988-ci ildə “Skantorp”un heyətində meydana çıxmışdı.

Qeyd edək ki, Qrem İngiltərə çempionatlarında 1000 matç həddinə çatan 2-ci sahə oyunçusudur. Ona qədər yalnız Tonki Ford bunu bacarmışdı.