Azərbaycan futbolunun 100 illik yubileyi ilə bağlı keçiriləcək təntənəli tədbirə gələcək federasiyaların sayı müəyyənləşib. Bu barədə apasport.az saytına AFFA-nın I vitse-prezidenti Rauf Əliyev məlumat verib.

O bildirib ki, iyunun 6-da “Buta Palace”də keçiriləcək tədbirə dəvət alan 40 ölkənin futbol federasiyası iştirakını təsdiqləyib. Əliyev FİFA və UEFA prezidentlərinin də ölkəmizə gələcəyini söyləyib.

AFFA keçirəcəyi möhtəşəm tədbirində beynəlxalq futbol qurumlarının rəhbərlərini xüsusilə görmək istəyir. UEFA prezidenti Mişel Platini Bakıya səfər edəcəyini bir müddət öncə təsdiqləyib. FİFA prezidenti Yozef Blatter də iyunun 1-də FİFA-da prezident seçkilərində qalib gələcəyi halda, ilk səfərini ölkəmizə edəcəyinə söz verib.

• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq
• Braziliyalı mövsümü erkən başa vurdu
• “Fənərbaxça” Talişkadan imtina etdi - səbəb
• FİFA-dan La Liqa klublarına qadağa