Bu gün Azərbaycan jurnalistləri ilə Milli Məclisin deputatları arasında futbol yarışı keçirilib. Apasport.az saytının xəbərinə görə, Tofiq Bəhramov adına Respublika stadionunda baş tutan oyun həmkarlarımızın qələbəsi ilə başa çatıb – 5:4. APA İnformasiya Agentliyinin baş direktor müavini Nurşən Quliyev rəqibin qapısından 3 top keçirərək, het-trikə imza atıb.

Jurnalistlər və deputatlar arasındakı oyun Mətbuat Şurasının və Bakı Futbol Federasiyasının ölkə futbolunun 100 illiyinə həsr olunmuş tədbirlər planı çərçivəsində keçirilib. Bu münasibətlə ilk oyun bu il mart ayının 19-da “Şəfa” stadionunda jurnalistlərlə polislər arasında baş tutub. Həmin oyunda da Quliyev het-trik etmişdi.

Qeyd edək ki, tədbirlər planına jurnalistlərin veteran futbolçularla da matçının təşkili və idman mövzusunda yazan jurnalistlərin mükafatlandırılmaları daxildir.

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq