NBC Bank Azərbaycan kubokunun ən yaxşıları mükafatlandırılacaq
13.05.2011 - 11:46
NBC Bank Azərbaycan kubokunun final görüşünün ən yaxşı futbolçusu müəyyənləşdiriləcək. Apasport.az saytının məlumatına görə, mayın 24-də Tofiq Bəhramov adına Respublika stadionunda “İnter”lə “Xəzər Lənkəran” arasında baş tutacaq matçın ən yaxşısı mükafatlandırılacaq.
Bundan əlavə, ölkə kubokunda ən gözəl qolun müəllifi də mükafatsız qalmayacaq. Ancaq bu, yalnız final oyununa yox, bütün cari mövsümə aiddir.
Ən yaxşı və ən gözəl qol vuran futbolçuları isə münsiflər müəyyənləşdirəcək. Bununla əlaqədar yaradılan 5 nəfərlik münsiflər heyətinə apasport.az saytı da daxildir.
Bu gün NBC Bankın ofisinə dəvət edilən münsiflər ilk görüşünü keçirib. Burada müəyyən məsələlər müzakirə edilərək, fikir mübadiləsi aparılıb, həmçinin, indiyədək seçilmiş ən yaxşı qollar izlənilib.
2 nominasiyada qalib futbolçulara qiymətli hədiyyələr final oyununun ertəsi NBC Bankın ofisində təşkil olunan mükafatlandırma mərasimdə veriləcək.
Qeyd edək ki, NBC Bankla Peşəkar Futbol Liqası birgə keçirdikləri kubokun final oyununa təşkilati işlərlə bağlı hazırlığa başlayıblar. Yenə final oyunundan öncə konsert proqramı, daha sonra uduş olacaq. Bu dəfə uduşa “Reno” markalı avtomobil qoyulub. “İnter”lə “Xəzər Lənkəran”ın baş məşqçiləri isə oyundan bir gün öncə Respublika stadionunda mətbuat konfransı keçirəcəklər. Hər 2 klub bununla əlaqədar razılıqlarını veriblər.
Mehman SÜLEYMANOV
Bundan əlavə, ölkə kubokunda ən gözəl qolun müəllifi də mükafatsız qalmayacaq. Ancaq bu, yalnız final oyununa yox, bütün cari mövsümə aiddir.
Ən yaxşı və ən gözəl qol vuran futbolçuları isə münsiflər müəyyənləşdirəcək. Bununla əlaqədar yaradılan 5 nəfərlik münsiflər heyətinə apasport.az saytı da daxildir.
Bu gün NBC Bankın ofisinə dəvət edilən münsiflər ilk görüşünü keçirib. Burada müəyyən məsələlər müzakirə edilərək, fikir mübadiləsi aparılıb, həmçinin, indiyədək seçilmiş ən yaxşı qollar izlənilib.
2 nominasiyada qalib futbolçulara qiymətli hədiyyələr final oyununun ertəsi NBC Bankın ofisində təşkil olunan mükafatlandırma mərasimdə veriləcək.
Qeyd edək ki, NBC Bankla Peşəkar Futbol Liqası birgə keçirdikləri kubokun final oyununa təşkilati işlərlə bağlı hazırlığa başlayıblar. Yenə final oyunundan öncə konsert proqramı, daha sonra uduş olacaq. Bu dəfə uduşa “Reno” markalı avtomobil qoyulub. “İnter”lə “Xəzər Lənkəran”ın baş məşqçiləri isə oyundan bir gün öncə Respublika stadionunda mətbuat konfransı keçirəcəklər. Hər 2 klub bununla əlaqədar razılıqlarını veriblər.
Mehman SÜLEYMANOV
0
0
Oxşar xəbərlər
Ana səhifə
Bütün xəbərlər
Hesabım