“Qapıçımız Andrey Popoviçin Almaniyaya “Fortuna” klubuna baxışa yollandığını bilirdim. Sadəcə, onun meydana çıxdığı yoldaşlıq görüşü izləyə bilmədim”. Bu fikirləri apasport.az saytına açıqlamasında Azərbaycan milli komandasının baş məşqçisi Berti Foqts deyib. Almaniyalı mütəxəssis millimizə cəlb etdiyi “Abşeron” klubunun gənc qapıçısı Andrey Popoviçin II Bundesliqa təmsilçisi “Fortuna”ya keçidinin baş tutacağını bilmir: “Mən Popoviçin transferinin reallaşıb-reallaşmayacağı haqda bir şey deyə bilmərəm. O, Almaniyada meydana çıxdığı zamanı mən Bakıya gəlirdim. Bu üzdən oyununu izləmək imkanım olmadı”.

Qeyd edək ki, bu gün “Qarabağ” – “Neftçi” görüşünü (3:0) izləmək üçün Ağdama yollanan Foqts oyun və milli futbolçuları haqda danışmaq istəməyib.

• Malen "Aston Villa"da
• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər