Altıntop Türkiyə milli komandasından kənarlaşdırıldı

30.05.2011 - 13:28

Avro-2012-nin seçmə mərhələsində Azərbaycan milli komandasının rəqibi olan Türkiyə yığması ciddi itki ilə üzləşib. Apasport.az saytının məlumatına görə, iyunun 3-də Belçika ilə qarşılaşacaq “ay-ulduzlular” aparıcı futbolçuları – Həmit Altıntopu itiriblər.

Buna səbəb az öncə “Real”a transfer olunan yarımmüdafiəçinin məşqdə zədələnməsidir. Altıntop artıq heyətdən kənərlaşdırılıb.
Qeyd edək ki, futbolçunun nə vaxt yaşıl meydana qayıdacağı təkrar müayinədən sonra dəqiqləşəcək.