“Qarabağ” “Botofoqo”ya şərikdir

02.06.2011 - 10:42

Beynəlxalq Futbol Tarixi və Statistikaları Federasiyası (İFFHS) planetin ən güclü klublarının siyahısını açıqlayıb. Apasport.az saytının məlumatına görə, 400 ən güclü komanda arasında birinci yer “Barselona”ya məxsusdur. Hesabında 317 xal olan kataloniyalılar əzəli rəqibi “Real”ı 10 xal qabaqlayırlar. İlk 3-lükdə yer alan digər Pireney təmsilçisi Portuqaliya “Portu”sunun 291,5 xalı var.

Siyahıda Azərbaycanın 1 komandası yer alıb. Bu, ötən ayla müqayisədə 4 pillə geriləyən Ağdamın “Qarabağ” klubudur. Qurban Qurbanovun yetirmələrinin 82 xalı var.

Təmsilçimiz eyni göstəriciyə malik daha 8 komanda ilə 213-221-ci yerləri bölüşür. “Qarabağ”ım şərikləri sırasında “Everton” (İngiltərə), “Hannover” (Almaniya), “Renn”, “Monpelye”, “Soşo” (hamısı Fransa), “River Pleyt” (Argentina), “Botofoqo” (Braziliya) və “Real” (Meksika) var.