“Əvvəlki oyunlarla müqayisədə daha yaxşı oynadıq. Daha az səhvə yol verən komanda qələbə qazandı”. Apasport.az saytının məlumatına görə, bu sözləri Tacikistan U-17 yığmasının baş məşqçisi Numonson Yusupov deyib.

Bakıda keçirilən “Caspian Cup” beynəlxalq turnirinin son qrup oyununda Qazaxıstana uduzan asiyalıların çalışdırıcısı yetirmələrinin səhvlərindən şikayətlənib: “Təəssüf ki, biz rəqibimizdən daha çox səhv etdik. Hiss olunur ki, komandamız oyundan-oyuna inkişaf edir. İlk dəfə beynəlxalq turnirdə iştirak etdiyimizdən uşaqlar psixoloji baxımdan çətinlik çəkir”.

Qeyd edək ki, 1:2 hesabı ilə uduzan taciklər 7-ci yer uğrunda matçda Qırğızıstanla qarşılaşacaq.

• “Siti” braziliyalı üçün 50 milyon ödəməyə hazırdır
• “Tottenhem”in kapitanı PSJ-nin hədəfində
• “Samsunspor”un yeni baş məşqçisi bəlli olub
• Super Liqa klubu baş məşqçisi ilə yollarını ayırıb
• İqor Tudor rəsmən ”Tottenhem”də