“Tacikistan yığması ilə oyunda çox istəkli oynadıq. Qələbə qazanmaq üçün maksimum gücümüzü sərf etdik”. Apasport.az saytının məlumatına görə, bu fikirləri Qazaxıstanın 17 yaşlılardan ibarət yığma komandasının (U-17) məşqçisi Nikolay Stoyakin deyib.

Bakıda keçirilən “Caspian Cup” beynəlxalq turnirində çıxış edən komanda bu gün qrupda keçirdiyi son oyunda Orta Asiyanın digər təmsilçisi – tacik həmyaşıdları ilə görüşərək, 2:1 hesabı ilə qalib gəlib. Nəticədə onlar turnirdə 5-ci yer uğrunda mübarizə aparmaq hüququna malik oldu.

Stoyakin qol vəziyyətlərinin az istifadə etdiklərindən narazı qalıb: “Daha çox qol epizodu yaratsaq da, hamısından yararlana bilmədik. Oyunun sonu daha sakit keçə bilərdi. Lakin qol buraxdığımız üçün həyəcanlanmalı olduq. Qələbə qazandığımıza görə sevinirik”.

Qeyd edək ki, Qazaxıstanın U-17-i yığmamızın sabiq baş məşqçisi Oliver Pelzer çalışdırır. Ancaq almaniyalı çalışdırıcı xəstələndiyindən, ona tanış olan Bakıya gələ bilmədi.

• Florian Virts “Liverpul”da
• “Kopenhagen”in gənc ulduzu “Barselona”nın hədəfində
• Yamaykalı futbolçu daha 2 il “Tottenhem”də - RƏSMİ
• Macarıstan millisinin üzvü “Liverpul”da
• Amorim üçün xəbərdarlıq: “Yeni ilə qədər komandadan qovulacaq”