Çempionlar Liqasının II təsnifat mərhələsində Bakının “Neftçi” klubu ilə qarşılaşacaq Xorvatiya çempionu “Dinamo” püşkün nəticəsindən narazı qalıb. Apasport.az-ın məlumatına görə, Zaqreb təmsilçisinin rəsmi saytı püşkü rəhmsiz sayıb.

Xorvatiyalılar “Neftçi” haqda hazırladığı tanıtma yazısına da bu fikirlə başlayıb: “Püşkün şarları “Dinamo”nu heç sevmədi. Düzdür, komandamız mümkün rəqiblərinin hamısından yüksək statusa malikdir. Lakin rəqibimiz Azərbaycan çempionu ilə müqayisədə daha asan da ola bilərdi”.

“Neftçi”nin 19 ildə 6 dəfə çempion, 4 dəfə kubokun sahibi olmasını vurğulayan zaqreblilər 4 il əvvəl qarşılaşdıqları “Xəzər Lənkəran”ın çempiondan 7 il xal geridə qalmasını da qeyd ediblər.

Arif Əsədovun komandasının transfermarkt.de saytının dəyərləndirməsinə görə 8 milyon avrodan ucuz olduğuna toxunan xorvatlar Flavinyo-Rodriqinyo cütündən ehtiyatlandığını gizlətmirlər. Makedoniyalı İqor Mitreskini də yaxşı tanıyan postyuqoslaviyalılar “Neftçi”nin ÇL-də II təsnifat mərhələsindən o yana gedə bilmədiyini də bilir: “Dinamo”ya Bakıda asan olmayacaq. Amma bu mərhələdə komanda rəqibindən qat-qat güclüdür”.

• “Yuventus”dan Makkeni qərarı
• “Siti” braziliyalı üçün 50 milyon ödəməyə hazırdır
• “Tottenhem”in kapitanı PSJ-nin hədəfində
• “Samsunspor”un yeni baş məşqçisi bəlli olub
• Super Liqa klubu baş məşqçisi ilə yollarını ayırıb