Braziliyanın “Santos” klubu Cənubi Amerikanın ən nüfuzlu turniri olan Libertadores Kubokunun qalibi olub. Apasport.az saytının məlumatına görə, “futbol kralı” Pelenin karyerasının böyük hissəsini keçirdiyi komanda finalda Uruqvayın “Penyarol” klubuna 2:1 hesabı ilə qalib gəlib. Bununla da “Santos” uzun müddətlik həsrətə son qoyub. Belə ki, o, sonuncu dəfə 48 il öncə turniri qazanmışdı. 3-cü dəfə Liberdadores Kubokunun qalibi olan “Santos” ilk dəfə 1962-ci ildə buna nail olub, ardıcıl 2 il titula sahib çıxıb.

Qeyd edək ki, “Santos” “Neftçi”nin braziliyalı futbolçusu Rodriqinyonun keçmiş komandasıdır. Yarımmüdafiəçi qışda məhz bu komandadan flaqmana transfer olundu və buna qədər Libertadores Kubokunun iştirakçısı idi.

• Günün canlı yayımlanacaq matçları - TV AFİŞA
• “Nyukasl” kapitanını İtirdi
• “Yuventus”dan Makkeni qərarı
• “Siti” braziliyalı üçün 50 milyon ödəməyə hazırdır
• “Tottenhem”in kapitanı PSJ-nin hədəfində