“Dinamo” itki ilə üzləşdi

26.06.2011 - 12:01

Çempionlar Liqasının II təsnifat mərhələsində Azərbaycan çempionu “Neftçi” ilə görüşməli olan Xorvatiyanın “Dinamo” komandası itki ilə üzləşib. Apasport.az saytının məlumatına görə, zaqreblilər bu gün Sloveniyanın Maribor şəhərində başlayan hazırlıqları Pedro Moralessiz keçəcək. Buna çilili legionerin belindən zədələnməsi səbəb olub. Cənubi amerikalı müalicə olunmaq üçün vətəninə yollanıb.

Qeyd edək ki, 26 yaşlı hücuma meylli yarımmüdafiəçi 2008-ci ildən “Dinamo”da çıxış edir. Çili yığmasının üzvü olan Pedro millidə 14 oyuna 3 qol vurub.