“Qarabağ” Türkiyədəki təlim-məşq toplanışını başa vurmaq üzrədir. Apasport.az saytının məlumatına görə, iyunun 9-dan Qızılcahamda toplanış keçən Ağdam təmsilçisi artıq 18 günlük hazırlıq prosesini bitirir. Bugünkü sonuncu çalışmayla Türkiyə hazırlıqlarını başa vuran komanda sabah Litvaya yola düşəcək.

“Qarabağ” sabah günorta saatlarında Ankara – İstanbul – Riqa reysiylə səfərə çıxacaq. 20 futbolçudan ibarət heyət Latviyanın paytaxtından Litvanın Klaypeda şəhərinə hərəkət edəcək. Avroliqanın I təsnifat mərhələsinin “Banqa” ilə ilk qarşılaşmasının keçiriləcəyi Qarjdaidən 25 km aralıda yerləşən “Amberton” otelində məskunlaşacaq komanda oyun gününə kimi 2 dəfə məşqə çıxacaq.

İyunun 30-da yerli vaxtla 18:30-da (Bakı vaxtıyla 20:30) “Banqa”nın qonağı olacaq “Qarabağ” ertəsi gün vətənə qayıdacaq. Riqa – İstanbul – Bakı reysiylə vətənə qayıdacaq komanda iyulun 2-si səhər saatlarında paytaxtda olacaq.

Mənbə: qarabagh.com

• "Traktor"un baş məşqçisi bəlli oldu
• Türkiyədə qanunsuz mərc oyunları ilə bağlı 8 nəfər saxlanılıb, “Diyarbekirspor”da araşdırma başlayıb
• Günün canlı yayımlanacaq matçları - TV AFİŞA
• Fatih Terimin köməkçisi Super Liqa klubunda - RƏSMİ
• "Beşiktaş"da ciddi itki - 1 ay oynamayacaq