Avstriyada təlim-məşq toplanışını davam etdirən “Xəzər Lənkəran”ın düşərgəsində daha 2 legioner yer alıb. Apasport.az saytının məlumatına görə, Rikardo Qomeş Vilana və Eder Joze de Oliveyra Bonfimlə Avroliqaya hazırlaşan komandanın təlim-məşq toplanışında yer alıb. Rumıniyanın “Styaua”nın klubundan gələn 30 yaşlı braziliyalılar yenidən komanda yoldaşı ola bilərlər.

Karyerası daha çox Rumıniyaya bağlı olan, dayaq yarımmüdafiəçisi mövqeyində oynayan Rikardo 2 il öncə “Unireya”nın heyətində ölkə çempionu olub, Çempionlar Liqasının qrupunda iştirak edib. Orta sahədə çıxış edən Ederin karyerası isə daha çox Portuqaliya ilə bağlıdır. “Benfika”, “Braqa” kimi klublarda oynayan Bonfim 2008-ci ildən Rumıniyada çıxış edir. O, “Styaua”da 19, Rikardo 16 oyun keçirib. Hər 2 legionerlə böyük ehtimalla rəsmi müqavilə imzalanacaq.

Qeyd edək ki, “Xəzər Lənkəran”ın transfer etdiyi rumıniyalı hücumçu Marius Onofraş da ötən mövsümü “Styaua”da keçirib.

• "Traktor"un baş məşqçisi bəlli oldu
• Türkiyədə qanunsuz mərc oyunları ilə bağlı 8 nəfər saxlanılıb, “Diyarbekirspor”da araşdırma başlayıb
• Günün canlı yayımlanacaq matçları - TV AFİŞA
• Fatih Terimin köməkçisi Super Liqa klubunda - RƏSMİ
• "Beşiktaş"da ciddi itki - 1 ay oynamayacaq