Avroliqanın I təsnifat mərhələsində Litvanın “Banqa” klubunu hər 2 oyunda məğlub edən “Qarabağ” üçün cavab oyunundakı qələbə xüsusi əhəmiyyət kəsb edib. Apasport.az saytının hesablamalarına görə, Bakıdakı 3:0 hesablı qələbə Ağdam təmsilçisinin tarixinə avrokuboklardakı yubiley oyun və yubiley qələbə kimi düşüb.

Belə ki, 30-cu oyununa çıxmaqla elə “Qarabağ”ın özünə məxsus olan Azərbaycan rekordunu yeniləyən Qurban Qurbanovun yetirmələri 10-cu dəfə meydanı qalib kimi tərk edib. Qitə arenasındakı görüşlərin 1/3-də sevinən “Qarabağ” qələbə sayında “Neftçi”nin Azərbaycan rekordunu təkrarlayıb. Lakin bakılılar 10 qələbəni daha az – 28 matçda əldə edib.

Heç-heçələri daha çox olan “Qarabağ” xal hesabında da (istər qələbəyə görə 3, istər 2 xal prinsipi olsun) artıq “Neftçi”dən öndədir. Lakin mümkün olan xalların qazanılmasına görə, “ağ-qaralar” 0,5 faiz fərqlə də olsa hamıdan yaxşıdır.

Azərbaycanın Avrokuboklardakı 2 ən yaxşı komandası

Klub	O	Q	H	M	TOP	T/F	X	FAİZLƏ
Neftçi	28	10	4	14	23-49	–26	34	40,5
Qarabağ	30	10	6	14	29-53	–24	36	40,0

• “Real”ın futbolçusu PSJ-nin hədəfində
• Bellingemin durumuna aydınlıq gəldi: ZƏDƏSİ CİDDİDİR
• "Arsenal" transfer bombasına hazırlaşır: UİLYAMS LONDON YOLUNDA
• "Traktor"un baş məşqçisi bəlli oldu
• Türkiyədə qanunsuz mərc oyunları ilə bağlı 8 nəfər saxlanılıb, “Diyarbekirspor”da araşdırma başlayıb