Azərbaycan milli komandasının tarixinə ilk kapitan kimi düşən Nazim Süleymanovun AZAL-ın baş məşqçisi postundakı karyerası başa çatıb. Apasport.az saytının məlumatına görə, Avroliqanın I təsnifat mərhələsinin “Minsk”lə Belarusdakı səfər oyunu mütəxəssis üçün bu postda son qarşılaşma olub. Komandasının 1:2 hesablı məğlubiyyətindən sonra Süleymanov postundan ayrılmağa qərar verib. Çünki ilk oyundakı 1:1-dən sonra bu məğlubiyyət komandasının mübarizəni dayandırmasına səbəb olub. Özü də həlledici kimi 1 qol rol oynayıb. Bu qol isə Süleymanov üçün əlamətdar qoldur. Denis Saçeko hesabı 2:0-a çatdırdığı vaxtda AZAL-ın Süleymanovun rəhbərliyi dövründə buraxdığı sonuncu, həm də yubiley 50-ci qolu vurub.

2009-cu ilin noyabrında AZAL-ın baş məşqçisi təyin olunan Süleymanov il yarımdan artıq müddətdə komandasını 64 oyuna çıxarıb. Bu görüşlərdə 23 qələbə və 23 heç-heçə görən çalışdırıcı 18-ci dəfə uduzmaqla postunu tərk etdi. 50 qolun buraxılmasını görən Süleymanovun yetirmələri 67 dəfə rəqib qapısına yol tapıb.

Nazim Süleymanovun AZAL karyerası

2009/10	Azərbaycan Premyer Liqası	21	8	7	6	22	13	31
	NBC Bank Azərbaycan kuboku	4	0	3	1	2	3	3
2010/11	Azərbaycan Premyer Liqası	32	13	10	9	36	28	49
	NBC Bank Azərbaycan kuboku	5	2	2	1	5	3	8
2011/12	Avroliqa	2	0	1	1	2	3	1
Cəmi	Avrokuboklar	2	0	1	1	2	3	1
	Azərbaycan Premyer Liqası	53	21	17	15	58	41	80
	NBC Bank Azərbaycan kuboku	9	2	5	2	7	6	11
YEKUN		64	23	23	18	67	50	92

• “Real”ın futbolçusu PSJ-nin hədəfində
• Bellingemin durumuna aydınlıq gəldi: ZƏDƏSİ CİDDİDİR
• "Arsenal" transfer bombasına hazırlaşır: UİLYAMS LONDON YOLUNDA
• "Traktor"un baş məşqçisi bəlli oldu
• Türkiyədə qanunsuz mərc oyunları ilə bağlı 8 nəfər saxlanılıb, “Diyarbekirspor”da araşdırma başlayıb