Bakının “İnter” Türkiyədəki təlim-məşq toplanışını başa vurur. Apasport.az saytının klubun rəsmi saytına istinadən məlumatına görə, gürcü Kaxaber Sxadadzenin çalışdırdığı komandamız təlim-məşq toplanışında olduğu İsparta şəhərində bu gün sonuncu yoxlama oyunu keçirəcək. Rusiyanın Premyer Liqasında çıxış edən “Terek” klubu ilə görüş Bakı vaxtilə saat 21:00-da başlayacaq.

Bu, "İnter"in hazırkı toplanışda 3-cü oyunu olacaq. Komanda Ukraynanın "Metallurq" (Zaporojye) klubuna böyük hesabla qalib gəldi (4:0), ardından Türkiyə Superliqasının debütantı "Mersin İdman Yurdu" ilə 3:3 bərabərliyə qaldı.

Qeyd edək ki, iyulun 12-də vətənə qayıdacaq “İnter” 4 gün sonra yenidən ölkəni tərk edəcək. Bu dəfə Avstriyaya üz tutacaq paytaxt klubu iyulun 29-a kimi orada təlim-məşq toplanışında olacaq.

• “Real”ın futbolçusu PSJ-nin hədəfində
• Bellingemin durumuna aydınlıq gəldi: ZƏDƏSİ CİDDİDİR
• "Arsenal" transfer bombasına hazırlaşır: UİLYAMS LONDON YOLUNDA
• "Traktor"un baş məşqçisi bəlli oldu
• Türkiyədə qanunsuz mərc oyunları ilə bağlı 8 nəfər saxlanılıb, “Diyarbekirspor”da araşdırma başlayıb