Azərbaycanlı Vaqif Sadıqovun çalışdığı Rusiyanın “Anji” klubunun məşqçilər korpusunda dəyişiklik edilib. Apasport.az saytının məlumatına görə, Türkiyə milli komandasının baş məşqçisi Qus Hiddinkin uzun müddət köməkçisi olmuş Arno Filips bundan sonra Mahaçqala təmsilçisində işləyəcək. Fiziki hazırlıq üzrə çalışan 35 yaşlı hollandiyalı mütəxəssis yeni komandasının təlim-məşq toplanışında olduğu Avstriyaya gəlib. Filips futbolçuların zədədən sonra bərpa prosesinə və fiziki kondisiyalarına cavabdeh olacaq.

Qeyd edək ki, Filips Hiddinklə Cənubi Koreya, Avstraliya, Rusiya yığmasında birgə işi ilə tanınır. O, Rusiya yığmasının məşqçisi kimi DÇ-2010-un seçmə mərhələsində milli komandamızla görüşərək, Bakıya gəlib.

• “Real”ın futbolçusu PSJ-nin hədəfində
• Bellingemin durumuna aydınlıq gəldi: ZƏDƏSİ CİDDİDİR
• "Arsenal" transfer bombasına hazırlaşır: UİLYAMS LONDON YOLUNDA
• "Traktor"un baş məşqçisi bəlli oldu
• Türkiyədə qanunsuz mərc oyunları ilə bağlı 8 nəfər saxlanılıb, “Diyarbekirspor”da araşdırma başlayıb