Əfsanəvi futbolçunun sürücülük vəsiqəsi əlindən alındı

11.07.2011 - 15:15

Braziliya futbolunun əfsanələrindən sayılan Romario xoşagəlməz hadisə ilə üzləşib. Apasport.az saytının məlumatına görə, Braziliya milli komandasının sabiq futbolçusu sürücülük vəsiqəsindən məhrum olub. Dünya çempionu və Amerika kubokunun 2 qat qalibi spirtli içki qəbul edib-etməməklə bağlı test verməkdən imtina etdiyi üçün cəzaya məruz qalıb. Sürücülük vəsiqəsi əlindən alınan Romario 605 dollar cərimə də ödəməli olacaq.

Qeyd edək ki, Rio-de-Janeyro şəhərində saxlanılan əfsanəvi futbolçu hazırda Braziliya parlamentinin deputatıdır.