Türkiyədə danışılmış oyunlar və menecerlik imtahanının suallarının öncədən satılması ilə bağlı istintaq çərçivəsində həbslər davam edir.Apasport.az saytının xəbərinə görə, iyulun 11-də şübhəli qismində ifadə verməyə çağırılan “Beşiktaş” klubunun vitse-prezidenti Sərdal Adalı və baş məşqçisi Tayfur Havutçu bu gün səhər İstanbul Əmniyyət Müdirliyinə (polis idarəsi) gediblər. Bir neçə saat sonra onların hər ikisinin həbs olunduğu barədə xəbər yayılıb. İyulun 12-də səhər tezdən “İstanbul Böyük Şəhər Bələdiyyəsi” komandasının 2 futbolçusu – İbrahim Akın və İsgəndər Alın da həbs edilib.

Qeyd edək ki, iyulun 11-də Türkiyədə danışılmış oyunlar və menecerlik imtahanının suallarının öncədən satılması ilə bağlı istintaq çərçivəsində 2-ci həbs dalğası başlayıb. Bu dalğada Türkiyə Futbol Federasiyasının (TFF) keçmiş prezidenti Mahmud Özgənər, TFF İdarə Heyətinin keçmiş üzvü Ləvənt Kızıl, “Trabzonspor” klubunun prezidenti Sədri Şener, vitse-prezidenti Nevzat Şakar, “Gənclərbirliyi” komandasının qapıçısı Sərdar Kulbilgə və bəzi digər şəxslər polis tərəfindən saxlanılıb. İndiyədək iş üzrə məhkəmə tərəfindən 26 nəfər haqqında həbs-qətimkan tədbiri seçilib. Onların arasında “Fənərbağça” klubunun prezidenti Əziz Yıldırım da var.

• III Liqa klubundan “Fənərbaxça”ya
• Günün canlı yayımlanacaq matçları - TV AFİŞA
• “Fənər”də ciddi itki - Əməliyyat olundu
• “Real”ın futbolçusu PSJ-nin hədəfində
• Bellingemin durumuna aydınlıq gəldi: ZƏDƏSİ CİDDİDİR