“Dinamo” – “Neftçi” oyununda görünməmiş rekord

12.07.2011 - 17:02

Çempionlar Liqasının II təsnifat mərhələsində keçiriləcək “Dinamo” (Xorvatiya) – “Neftçi” (Azərbaycan) qarşılaşması indidən rekord qırıb. Apasport.az saytının məlumatına görə, sabah Zaqrebin “Maksimir” stadionunda keçiriləcək bu qarşılaşmaya bilet satışı artıq başa çatıb. Dünən səhər saat 9:00-da açılan kassalar bu gün saat 14:00-a qədər işləyiblər.

Görüş üçün nəzərdə tutulan biletlər isə bu 14 saat satış müddəti ərzində qurtarıb. Bu da ki, istənilən matç üçün görünməmiş sayıla bilər. Artıq oyunu izləmək istəyənlər televiziya qarşısında əyləşməklə kifayətlənməli olacaqlar.

Qeyd edək ki, “Maksimir” stadionu 38923 tamaşaçı tutur.