Çempionlar Liqasının II təsnifat mərhələsinə start verilib. Apasport.az saytının məlumatına görə, ilk oyunlar çərçivəsində 6 qarşılaşma keçirilib. Bunların 3-də meydan sahibləri, 3-də isə qonaqlar qalib gəlib. Heç-heçənin qeydə alınmadığı gündə ən böyük hesablı nəticə İrəvanda qeydə alınıb. Ötən həftə yoldaşlıq oyununda Azərbaycan çempionu “Neftçi”ni məğlub edən (1:0) Çexiya təmsilçisi “Viktoriya” ermənilərə “dərs keçib”. Cütün taleyini 40 dəqiqəyə həll edən Plzen təmsilçisi “Pünik” üzərindəki 4:0 hesablı qələbə sayəsində Çempionlar Liqasının cari mövsümündə ən böyük hesablı nəticə rekordunu müəyyənləşdirib. “Birlik kuboku”nda məhz “Neftçi”nin biabır etdiyi Ermənistan çempionu qitənin ən nüfuzlu turnirində də rüsvay oldu. Digər matçlara gəlincə isə “Xəzər Lənkəran”ın baxışa çağırıb bəyənmədiyi Ramunas Radaviçius un “Ekranas”ın heyətində fərqlənməsi diqqət çəkir.

Çempionlar Liqası

II təsnifat mərhələsi, ilk oyunlar

“Pünik” (Ermənistan) - “Viktoriya” (Çexiya) – 0:4
Bakoş, 7, 40-p., Xorvat, 28, Kolar, 72
“Valetta” (Malta) – “Ekranas” (Litva) – 2:3
Mifsud, 43, da Silva, 90-p. – Umeh, 15, Qleveçkas, 22, Radaviçius, 41-p.
“Moqren” (Çernoqoriya) – “Liteks” (Bolqarıstan) – 1:2
Zek, 14 - Todorov, 77, 79
“Maribor” (Sloveniya) – “Dudelanj” (Lüksemburq) – 2:0
Argius, 36, İbraimi, 45
“Slovan” (Slovakiya) – “Tobol” (Qazaxıstan) – 2:0
Sebo, 41, Quede, 81
“Şemrok Rovers” (İrlandiya) – “Flora” (Estoniya) – 1:0
Turner, 34

• III Liqa klubundan “Fənərbaxça”ya
• Günün canlı yayımlanacaq matçları - TV AFİŞA
• “Fənər”də ciddi itki - Əməliyyat olundu
• “Real”ın futbolçusu PSJ-nin hədəfində
• Bellingemin durumuna aydınlıq gəldi: ZƏDƏSİ CİDDİDİR